Елбасының жаңажылдық құттықтауын Ұлы Отан соғысы ардагерлеріне тапсыру шарасы Сыр өңірінде жалғасын тапты. Бүгін облыс әкімі Қызылорда қаласындағы 5 майдангердің шаңырағында болып, Президенттің сәлемдемесін жеткізді. 

Президент сәлемдемесі облыстың түкпір-түкпірінде тұратын 20 ардагердің үйіне жеткізілді. Солардың бірі - Камали Дүйсембеков.

Мемлекет басшысы Нұрсұлтан Назарбаев Ақжайық өңірінің 17 ардагерін мерекемен құттықтап, хат жолдады. Елбасының сыйлығын алған ардагерлердің қуанышында шек жоқ. 

Кәмкетай Байыров 17 жасынан еңбекке араласқан. Бірақ тосыннан сұрапыл соғыс басталған соң, өз еркімен майданға аттанады. Ардагер, сол бір отты жылдар әлі күнге көз алдымда, - дейді. 

Ақтөбелік ардагер Владимир Фитютин Елбасы құттықтауын алып, қуанып қалды.

Қасымхан Алдабергенов қан майданның қызып тұрған 1943 жылында соғысқа аттанды.

Сүлеймен Өрікбаев – Жалағаш ауданы, Ақсу елдімекеніндегі көзі тірі жалғаз Ұлы Отан соғысының ардагері. Қарт жауынгер Елбасының құттықтауын алып, қуанып қалды.

Нина Сорокина майдан даласына 1942 жылы аттанды. Дәрігер мотоатқыштар дивизиясы сапында жаралы жауынгерлерді емдеді.

Президенттің сыйлығына ие болған қарт сарбаздар қатты қуанып қалды. «Жаңа жыл қарсаңындағы жағымды жаңалық еңсемізді бір көтеріп тастады», - дейді олар.