Ширек ғасыр бойы үзілмей келе жатқан бұл марафон биыл да ересектер мен жасөспірімдердің басын қосады. Шараның басты мақсаты – өскелең ұрпақты табандылыққа баулып, салауатты өмір салтын дәріптеу. Жарыста қауіпсіздікті жол-патрульдік қызметі мен медицина мамандары жіті қадағалайды.
Тұрсынбек Оспанбеков, ұйымдастырушы:
- Биылғы жарысқа арнайы іріктеуден өткен 7 ересек пен 10 мектеп оқушысы қатысады. Жас ерекшелігі 8 бен 40 жас аралығын қамтиды. Біз жалпы 80 шақырымды бағындыруды жоспарлап отырмыз. Бастапқы топтағы 4 спортшы алға шығып, кейін өзгелері межеге ұмтылады. Негізгі мақсатымыз – рекорд орнату емес, Жеңіс рухын сезіну және орташа қарқынмен қашықтықты еңсеру.