Елдің бірыңғай электр энергетикалық жүйесінің оңтүстік аймағы желісін күшейту жобасы іске асады. Бұл Алматы – Жамбыл – Шымкент транзитінің өткізу қабілетін 440 МВт-қа арттырмақ. Ал батыс өңірдің энергожүйесін біріктіру ісі екі кезеңмен жүреді. Сондай-ақ Алматы және Жетісу облыстарының электр желілерін дамыту көзделіп отыр.
Бұл туралы Үкімет басшысы Олжас Бектеновтің саладағы өзекті мәселелер бойынша өткізген кеңес барысында айтылды. Онда «Самұрық-Қазына» қорының жобалары және елдің энергетикалық егемендігін нығайту жөніндегі шаралар қаралды. Жиында Мемлекет басшысының сын-ескертпелеріне орай жұмысты күшейту жоспарлары да баяндалды.
Энергетика министрлігіне бірқатар тапсырма берілді.
Нәби Айтжанов, «KEGOC» АҚ басқарма төрағасы:
– Болжамдарға сәйкес, 2028 жылы дифицит тапшылығы азайып, профицитке шығуымыз мүмкін. 2029 жылы артық энергия қуаты шамамен 2,8 ГВт, ал 2035 жылы 5 ГВт-қа жетеді деп күтілуде.
