Академик Әбдімәлік Нысанбаев өмірден озды

Елімізге белгілі ғалым, академик Әбдімәлік Нысанбаев 86 жасқа қараған шағында өмірден озды. Әбдімәлік Нысанбаев 1937 жылы Қызылорда облысында дүниеге келген. Философия ғылымдарының докторы 570-тен астам ғылым еңбектің авторы. Бірқатар жұмысы шет тілдерінде де жарық көрген. Нысанбаев ғылымдағы еңбегі үшін Қазақстан мен Түркияның Мемлекеттік сыйлығын алған. Сондай-ақ «Отан» және «Парасат» ордендерімен марапатталған. Ол елімізде ғылыми мектеп қалыптастырып, көптеген ғалымдарды дайындады.