«Алтын қыран-2024» халықаралық оқу-жаттығуы аяқталды

Жетісу облысында Қазақстан мен Әзербайжан әскерилерінің «Алтын қыран - 2024» халықаралық оқу-жаттығуы аяқталды. Іс-шара барысында екі елдің біріккен жасағы заңсыз қарулы топтың көлік легінің жолын кесуді меңгерді. Операция кезінде барлау ісі ұшқышсыз аппараттар арқылы дерек жинау, басып алу және қарумен қамтамасыз етуге баса назар аударылды. Жаттығу әскерилердің өзара іс-қимыл деңгейінің жоғары екенін көрсетті. «Көктал» полигонында өткен тактикалық арнайы оқу-жаттығудың жабылу салтанатында ерекше көзге түскен әскери қызметшілерге алғыс хат табысталды.