Жетісу облысында қар құрсауында қалғандар құтқарылды

Жетісу облысында құтқарушылар 4 балықшы отырған жеңіл автокөлікті қардан шығарып, оларды қауіпсіз жерге жеткізген. Одан бөлек, Қаражалда қар құрсауында қалған 50 жолаушы эвакуацияланды. Дегенмен екі қолын үсік шалған жүргізушіге медициналық көмек көрсетілді.

Төтенше жағдайлар министрлігінің хабарлауынша, облыстық маңызы бар 38 жол уақытша жабылды. Республика бойынша соңғы тәулікте 416 адам құтқарылып, 42 автокөлік қар құрсауынан шығарылды. Мамандар жолға шықпас бұрын ауа райы болжамын қарауды ескертеді.

Гаухар Мұхамеджан, ҚР ҚМ МКК Өтпелі мониторинг басқармасының сарапшысы:

- Еліміздің басым бөлігінде ауа температурасы біртіндеп жоғарылайды. Түнде 12-23, күндіз 5-13 градус аяз, ал оңтүстікте және оңтүстік-шығыста түнде 0-10 градус, таулы аумақтарда 18-13 градус аяз. Батыс өңірлерде түнде 7-17 градус аяз, күндіз 6 градус аяз бен 2 градус жылы аяз күтіледі.