Хабар телеарнасы

Нұрсұлтан Назарбаев Ақан Сатаевты қабылдады

Елбасы тәуелсіздік алғаннан бері мемлекет әрдайым өнер саласының дамуына ерекше мән беріп келе жатқанын атап өтті.

Нұрсұлтан Назарбаев, Қазақстан Республикасының Тұңғыш Президенті – Елбасы:

- Сен біраз фильмді түсіріп, көзге түстің. «Анаға апарар жол», «Томирис» фильмдерін ел жақсы қабылдады. Түрлі фестивальде көрсетіліп жатыр.

Ақан Сатаев, Шәкен Айманов атындағы «Қазақфильм» АҚ президенті:

- Бүкіл шығарылым өндірісін толығымен Қазақстанда жасаймыз. «Қазақфильм» шеңберінде декорация саламыз. Киноны бітірген соң, этноқала сияқты туристер келетіндей «Қазақфильм» музейін жасағымыз келеді. Сондай-ақ 5-6 жыл тұратындай етіп, мектеп оқушылары, студенттер келіп экскурсия жасайтындай болуы керек.