17:00Эфирде: Телевикторина. "Бегом за деньгами"
18:00Әрі қарай: Новости. Итоги дня
+7 (7172) 757 555
sale@khabar.kz

Ә. Смайылов Президентке халықаралық аренадағы соңғы жағдайға байланысты қабылданған шараларды баяндады

  • Категория: Саясат
Ә. Смайылов Президентке халықаралық аренадағы соңғы жағдайға байланысты қабылданған шараларды баяндады

Халықаралық аренадағы соңғы оқиғаларға байланысты экономиканы дамытудағы дағдарысқа қарсы жоспардың негізгі қырлары таныстырылды.

Премьер-министр Әлихан Смайылов Мемлекет басшысы Қасым-Жомарт Тоқаевтың қабылдауында болып, еліміздің қазіргі әлеуметтік-экономикалық ахуалы жөнінде және Украинадағы оқиғаның кері әсерін төмендету үшін Ұлттық банкпен бірлесіп қабылдаған шаралар туралы баяндады.

Президентке қаңтар оқиғасы салдарынан зардап шеккен шағын және орта бизнес субъектілерінің шығынын өтеуге және қираған мемлекеттік нысандарды қайта қалпына келтіруге қатысты жұмыстар жайында мәлімет берілді. Әлихан Смайылов кәсіпорындарға апаратын теміржолдарға ие табиғи монополиялар нысандарына белгіленген тарифті төмендету, өңдеу өнеркәсібі мен агроөнеркәсіп кешенін дамыту жөнінде айтты.

Қасым-Жомарт Тоқаевқа ауыл шаруашылығы тауарларын өндірушілерді субсидиялау жүйесін және кедендік әкімшілендіру ісін жетілдіру мәселелері туралы мәлімет берілді.

Сонымен қатар Премьер-министр Маңғыстау облысын дамытудың кешенді жоспарының жүзеге асырылуы және 2022 жылға арналған республикалық бюджетті нақтылауға дайындық жұмыстары жөнінде есеп берді.

Сондай-ақ...