БАҚ өкілдері «AMANAT» партиясының РСШ жұмысымен танысты

Мұнда үгіт және талдау орталығы, медиа штаб, сенімді өкілдердің жұмысын үйлестіру орталығы, байқаушылар және жастар алаңы орналасқан. Жергілікті мамандар депутаттыққа үміткерлермен кездесіп, үгіт-насихат жүргізудің заман талабына сай тәсілдерін үйретеді. Сондай-ақ кандидаттарға сайлауға қатысты заңнаманың маңызды тұстарын түсіндіреді. Оупен спэйс форматында ұйымдастырылған штаб тәулігіне 24 сағат бойы жұмыс істейді. Бұл орталықтың ел бойынша 229 аудандық өкілдігі ашылған.

Елнұр Бейсенбаев, «AMANAT» партиясының атқарушы хатшысы:
-Штабтың негізгі мақсаты — жұмыстың тоқтамауына оның дұрыс жұмыс істеуін қамтамасыз ету. Бұл штабтың жақсы бір жаңалығы, күнделікті 4-5 жаңа форматта кездесулер, оқытулар, сабақтар ұйымдастырамыз.