ШЫҰ саммитінің қонақтары көшпенділер ойындары туралы көрмені тамашалады

Шанхай ынтымақтастық ұйымы саммитінің қонақтары көшпенділер ойындары туралы көрмені тамашалады. «Ұлы даладағы кездесу» атты экспозициядан қазақ халқының салт-дәстүрі мен ұлттық ойындары жайлы мәлімет алды. Саммитке келген шетелдік сарапшылар мен дипломаттар дүниежүзілік этно спортпен танысты. Ұйымдастырушылар енді саммитке келген шетелдік журналистер үшін арнайы іс-шара өткізуді жоспарлап отыр. Қыркүйекте елордада өтетін көшпенділер ойындарына 89 елден 2 мыңнан аса спортшы қатысуға өтініш берді. Олар 21 спорт түрінен 97 медаль жиынтығын сарапқа салады.

Абылай Қондыбаев, V дүниежүзілік көшпенділер ойындарын дайындау және өткізу дирекциясы басшысының орынбасары:
-Бұл жерге кішігірім экспозициямызды алып келдік. Бұл ең біріншіден ойындардың айдентикасы. Логотип, ұран осы арлан мен ханшайым деген маскоттарымыз бар және жақында барлығына таныстырылған медальдар үлгісін алып келдік. Әрине, айта кету керек, қызығушылық өте көп. Бұл көшпенділер ойындары әлем үшін жаңа жоба, қызық жоба.