Боччадан Қазақстан кубогы мәресіне жетті
Боччадан Қазақстан кубогы мәресіне жетті. Үш күнге жалғасқан сайысқа елдің 14 өңірінен 86 параспортшы қатысты. Ересектер мен жасөспірімдер арасындағы төрт дәреже бойынша жеңімпаздарға 40-қа жуық медаль табысталды. Оның ішінде алтын, күміс және қола бар. Сондай-ақ параспортшылар арнайы кубок әрі алғысхатпен марапатталды. Салтанатты іс-шараға Сенат төрағасы әрі Қазақстан Бочча федерациясының Президенті Мәулен Әшімбаев қатысты.. Ол өз сөзінде, бұл спорт түрінің маңызына тоқталды.
Мәулен Әшімбаев, ҚР Парламенті Сенатының төрағасы, Қазақстан Бочча федерациясының президенті:
-Биылдың өзінде бочча үйірмесіне қатысушылар қатары 20% көбейген. Бүгінде боччаны дамыту үшін барлық бағытта жүйелі жұмыс жүргізіліп жатыр. Бұл Мемлекет басшысының айтқан «инклюзивті Қазақстанның құрылуы» жолындағы маңызды қадамдардың бірі. Яғни еліміздің кез келген азаматы өзінің проблемасымен бетпе-бет қалмауы тиіс. Олар қоғам тарапынан барлық қолдауды сезінуі қажет.