Хабар телеарнасы

Орталық Азия елдерінің кәсіподақтары ынтымақтастық туралы меморандумға қол қойды

Қазақстан, Қырғызстан, Өзбекстан, Тәжікстан мен Моңғолияның кәсіподақтары ынтымақтастық туралы меморандумға қол қойды. Бұл келісім Орталық Азиядағы туризмді дамытуға сеп болмақ. Осылайша, бес елдің 10 млннан астам кәсіподақ мүшелерін қамтитын Кеңесте, емдік-сауықтыру, турлар ұйымдастыру, жаңа маршруттар қосу мен туристер алмасу мәселелері қарастырылды. Қабылданған шешімнің нәтижесінде, биыл 4 мыңнан аса қазақстандық кәсіподақтар арқылы Өзбекстанның шипажайларында демала алады. 

Бахтиер Махмадалиев, Өзбекстан кәсіподақтар Федерациясы төрағасының орынбасары:
-Орталық Азия кәсіподақтарының мүшелері Өзбекстанның санаторийлерінде демалу үшін бар жағдай жасалған. Бізде ол үшін қазір 7 мың орынға шақталған заманауи 31 санаторий жұмыс істейді. Бүгінгі отырыста осы мәселені де өзара талқылап, меморандумға қол қойдық.