Білім беру гранттарына қатысуға өтініштерді тапсыру 30 шілдеге дейін ұзартылды

«Талапкерлердің өтініштері бойынша БҒМ білім беру гранттарын тағайындау конкурсына қатысу үшін құжаттарды қабылдау мерзімін 30 шілдеге (қоса есептегенде) дейін ұзарту туралы шешім қабылдады», – деп мәлімдеді ведомствоның баспасөз қызметі. Грантқа құжаттарды екі жолмен тапсыруға болады:

• eGov арқылы (бейненұсқаулықтар парақшамызда көрсетілген);
• ЖОО-ның виртуалды қабылдау комиссиясы арқылы (талапкерлердің бейне өтініші бойынша жоо-лардың виртуалды қабылдау комиссияларының қызметкерлері оқуға түсушімен бірге өтінішті толтырады, барлық сұрақтарға жауап береді және қажетті білім беру бағдарламасын таңдауға көмектеседі).

Конкурстың нәтижелері 15 тамызға дейін белгілі болады.