Қазақстанда тұмау және бұрын белгісіз болған жаңа респираторлық анықталған жоқ. Күзгі маусым басталғалы жедел респираторлық-вирустық инфекция таралуы өткен жылдың осы кезеңімен салыстырғанда шамамен 2 есе аз тіркелді. Мұны денсаулық сақтау министрлігі хабарлады.
Алматыда 7 күнде тыныс алу жолдарын зақымдайтын ауруға 19 мыңға тарта адам шалдықты. Бұл өткен аптамен салыстырғанда 9% көп. Көбіне 14 жасқа дейінгі бала ауырып жатыр. Мамандар жеке гигиенаны сақтап, ауру белгісі байқалған жағдайда адам көп жиналатын орынға бармауға кеңес береді. Сондай-ақ Алматыда тұмаудың алдын алу үшін вакцинация басталды. Екпе ең алдымен жүкті әйелге, созылмалы ауруы бар адамға, медицина қызметкері мен әлеуметтік мекемеде тұратын азаматтарға салынады.