Агросекторға қатысты Жолдауда жүктелген басқа да міндеттер қалай іске асырылады? Ауыл шаруашылығы министрлігінің мәліметінше, инвестициялық субсидиялар шеңберінде өнімдерді терең өңдеуді ынталандыру шаралары әзірленіп, салық саясаты қайта қаралмақ.
Ал машина-трактор паркін жаңарту мақсатында «Жасыл Даму» қаражатынан ауыл шаруашылығы техникасының лизингіне 20 млрд теңге бөлу мәселесі пысықталып жатыр. «Білім-ғылым-өндіріс» тиімді жүйесін қалыптастыру үшін зерттеу университеттерінің рөлін күшейте отырып, дамыған елдердің тәжірибесі бойынша аграрлық ғылым жүйесіне реформа жүргізіледі.
Сондай-ақ 2024-2028 жылдарға арналған селекция және тұқым шаруашылығын дамытудың кешенді жоспары бекітіледі.