Бұл туралы ҚР Еңбек және әлеуметтік қорғау министрі Біржан Нұрымбетов Орталық коммуникациялар қызметінде өткен брифингте айтты. «Бала күтімінде отырған әйел адамдарға бала 1 жасқа толғанша мемлекет тарапынан жәрдемақы төленеді. Ал 1 жылдан асқаннан кейін ол кісілер жұмысқа шығар еді. Бірақ қазіргі төтенше жағдай кезінде ешкім жұмысқа қайта алмайды, жұмысқа шақырмайды. Сондықтан декретте отырған аналар 1 жыл өткеннен кейін 42 500 теңге төлемге үміткер бола алады», – деді министр. Әлеуметтік төлемді 42500.enbek.kz сайтынан қалай рәсімдеуге болатынын мына жерден білуге болады. Сонымен бірге бүгін 42 500 теңге төлем алуға өтініш беруге арналған Telegram-бот іске қосылды.
