Ұшқышсыз ұшатын аппаратты қарапайым студенттер жинайды. Білімгерлердің осындай озық технологияны меңгеруі үшін аймақтағы колледждерде 13 жаңа мамандық ашылды.
Думан Әлиасқардың колледжде ұстаздық еткеніне екі жылдан асты. Жас маман биылдан бастап студенттерге ұшқышсыз ұшатын аппаратты құрастыруды үйретіп жатыр.
Думан Әлиасқар, колледж мұғалімі: - Қазір жеткізу бәрі дронмен айналысып жатыр. Заман талабына сай маман даярлаймыз. Мақсат сату емес дронды. Тек студенттерге өзіміздің жергілікті оқушыларға білім жағдайын беру ұсыну.
Әсет Оразғали, 2 курс студенті: -Мен техникалық мамандықта оқығаннан кейін бұл дрон мамандығы қажет. Себебі дрон мамандығына сұраныс көп. Басқа жақта сынып қалған жағдайда қайта құрап үйрендім.
Құрылғылар білім ордасындағы өндірістік желіде құрастырылады. Қажетті бөлшектердің бір парасы келісімшартпен сатып алынса, қалғандары 3D принтермен дайындалады.
Шыңғыс Қалиден, тілші: -Студенттер дронды құрастырумен қатар, бағдарламалауды, үстіне gps құрылғысын орнатуды да үйренеді. Сонымен қатар ұшырып басқаруды да меңгереді. Балалардың қолынан шыққан құрылғылар ауыл шаруашылығы, төтенше жағдай саласында қолданылмақ.
Жаңа технологияны әртүрлі салаға ендіру үшін оқу орнына кәсіпкерлер шақырылып, ашық есік күні өткізілді.
Қанат Байсалбаев, шаруашылық жетекшісі: -Малшы табу қазір қиын. Сондықтан дронмен мал қарауға да болады. Қазір енді алаңды өңдесек. Ол да жақсы. Себебі техника жағынан да үнем болады.
Жетісу облысында алдағы он жылда сұранысқа ие болатын кәсіп түрлері анықталып, «Жаңа мамандықтар атласы» жасалған. Соның негізінде бес салаға басымдық беріліп, аймақтағы колледждерде жаңа бөлімдер ашылды.
Әли Солтанбекұлы, облыстық білім басқармасы басшысының орынбасары: -Ұшқышсыз ұшу аппаратының операторы, химиялық талдау зертханашысы, кран машинисі деген мамандығымыз бар. Қант өңдеу операторы. Нақты өз өңірімізге қажет 13 мамандық ашылған. Биыл 11 колледжде 14 мамандықты ашу қарастырылған. Кәсіптік оқу орындары мен аймақтағы 62 кәсіпорын меморандумға қол қойды. Келісімге сәйкес, колледж түлектері диплом алған соң тұрақты жұмыспен қамтылады.
Шыңғыс Қалиден, Олжас Байбосын
