Биыл көптеп жауған қар диқандарды қуантып отыр

Сала мамандарының мәліметінше, биыл егістік алқаптарының көлемі 1 млн 480 мың гектар. Бұл – өткен жылға қарағанда 10% артық көрсеткіш. Дән себілетін жер көлемімен қатар өсімдік шаруашылығына бөлінген қаражат та ұлғаяды. Осы жылы субсидияға 3 млрд теңгеден астам қаржы қарастырылған. Сонымен қатар 100-ден астам жеңілдетілген несие беріледі деп күтілуде. Қазіргі таңда өтініштер қабылданып жатыр. Жанар-жағармайды жеңілдетілген бағамен бөлу де басталып кетті.

Байболат Рақымжанов, облыстық Ауыл шаруашылығы басқармасының бас маманы:

- Өткен жылы 18 600 болса, биыл 19 100 тонна бөлініп отыр. Қазір төрт оператор белгіленді. Олармен шаруашылықтар жұмыс істейді. Литрі 168 теңгеден шығып отыр. Енді нарықтағы бағаға қарағанда арзан болады. Одан басқа машина-трактор паркі қызу дайындық үстінде. Бүгінгі күні 93% техникалар дала жұмыстарына дайын тұр.