Өскеменді қалың қар басты

Соңғы күндері Өскеменді қалың қар басты. Жаңа жыл алдында жақсы көңіл күй сыйлағанымен, халықты біраз әбігерге салғаны рас. Коммуналдық қызмет өкілдері соңғы 3 күнде қаладан 6 мың текше метрден аса қар шығарған. «Таза Өскемен» мекемесі қазір тәулік бойы жұмыс режиміне көшірілді. 90-нан аса техника, 200-ге тарта адам жұмылдырылды. Арнайы көліктер де шығарылды.

Мира Исинева, коммуналдық мекеменің аға шебері:

-Сәтпаев, Жеңіс даңғылы сияқты кең көшелер бар. Онда көлік ағыны өте көп. Сондықтан үздіксіз тазалағанның өзінде үлгеру қиын. Қар басында аз жауғандай болып көрінгенмен бірталай қалың түсті. Сондықтан бар күшімізді салып жатырмыз. Барынша бүкіл жолды қамтуға тырыстық. Тек тұрғындар түсіністік танытса екен дейміз.