Астанада Шыңғыс Айтматовты 95 жылдығына орай ұлы жазушының өмірі мен шығармашылығына арналған көрме ашылды. Мәдени шараға елімізге ресми сапармен келген Қырғыз Республикасы Жогорку Кенешінің Төрағасы Нұрланбек Шакиев те қатысты. Қазақстан Парламенті Сенатының Төрағасы Мәулен Әшімбаев әлемге әйгілі классиктің қазақ әдебиеті мен руханиятында да орны бөлек екенін айтты. Қазақ-қырғыз интеллигенциясының байланысы тереңде жатыр. Ал бүгінгідей шаралар екі халықтың достығы мен бауырластығын нығайта түседі. Нұрланбек Шакиев сондай-ақ Қазақстан халқы Ассамблеясының мүшелерімен кездесіп, құрылымның қызметімен де танысты.
