12:30Эфирде:«Junior Eurovision Song Contest 2020»
+7 (7172) 757 540
astananews@khabar.kz

БҚО-да ауыл тұрғынынан 174 дана киік мүйізі табылды

  • Категория: Оқиға
kiik muizi

Елімізде биылдан бастап табиғат қорғау заңдылығын бұзғандардың жауапкершілігі күшейтілгені белгілі.

Әсіресе қылмыстық топ құрып, қоршаған ортаға ірі мөлшерде зиян келтіргендерге тағайындалатын жаза артты. Енді жаңа заң талаптарына сәйкес БҚО Жаңақала ауданы Мәштексай ауылының 26 жастағы тұрғыны 7 жылдан 12 жылға дейін бас бостандығынан айырылуы мүмкін. Өйткені Орал – Атырау тасжолында тоқтатылған азаматтың көлігінен 126 дана мүйіз шықса, кейін үйін тінту барысында тағы 48 мүйіз табылған. Қазір қылмыстық істің мән-жайы тергелуде. Жалпы өткен жылы өңірде сирек кездесетін аң-құстарды заңсыз аулауға қатысты 21 іс тіркелсе, биыл жыл басынан бері осындай 16 оқиға болған. Оның дені киіктерге қатысты.

Болатбек Белгібеков, облыстық Полиция департаментінің ресми өкілі:

- Ваз-2107 көлігімен келе жатқан жерінде тоқтатып, қазіргі уақытта күдікті уақытша ұстау изоляторына қамалды. Қылмыстық кодекстің 337-бабы, 1-бөлімі бойынша қылмыстық іс қозғалды. Қазір барлық мән-жай анықталатын болады. Тергеушілер тиісті бағасын алады.

Сондай-ақ...

Серіктестердің жаңалықтары