Париж-2024: Қоржынымызда жеті медаль бар

Бүгін тағы қосылуы мүмкін. Жарыстың кезекті күні еркін күрестен әлем рейтингінің көшбасшысы жерлесіміз Азамат Дәулетбеков Париждегі алғашқы белдесуінде америкалық Аарон Маркел Бруксқа жол берді. 57 келі салмақтағы Мейрамбек Қартбай да ширек финалға шыға алмады. Құзға өрмелеуден отандасымыз Әмір Маймұратовтың та жолы болмады. Ал көркем гимнастика бойынша Эльжана Таниева іріктеуді жалғастырып жатыр. Ол доппен жаттығуда 32 балл алды. Үш снарядтан кейін 95.150 ұпаймен 7-ші орында тұр. Ал финалға үздік 10 гимнаст шығады. Эльжана да солардың қатарынан табылады деп үміттенеміз.