«Жеңіске құрмет!» акциясы жалғасуда. Өскемендік Ұлы Отан соғысының ардагері Липат Семинға өңірдегі әріптестеріміз Жеңістің 70 жылдығына орай «Хабар» агенттігі атынан теледидар тарту етті.
«Хабар» агенттігінің «Жеңіске құрмет!» қайырымдылық шарасы аясында Ақтөбе қаласының тұрғыны, Ұлы Отан соғысының ардагері Зинаида Ғұсмановаға сыйлық табысталды.
«Хабар» Агенттігі ұйымдастырған «Жеңіске құрмет!» шарасы Шығыс Қазақстан облысында да жалғасын тапты. 19 жасында соғысқа аттанған Иван Каплиев Сталинград қоршауын бұзудағы кескілескен ұрыстарға қатысты.
«Хабар» агенттігінің ұйымдастырған «Жеңіске құрмет!» шарасы аясында оңтүстікқазақстандық тілшілеріміз Шымкентте тұратын Ұлы Отан соғысына қатысқан Төлеген Жақыпбаевтың үйінде болып, ардагерді қуантып қайтты.
Өскемендік ардагер Валентин Кудрявцевті жерлестері «аңыз адам» деп атайды. Соғыстан келгеннен кейін саналы ғұмырын жол полициясына арнаған майдангер: «Өмірдегі басты құндылықтардың бірі – адал еңбек», - дейді.
Біздің тілшілер ардагер Ізтұрған Өтесіновтің шаңырағында болып, «Хабар» агенттігінің арнайы сыйлығын табыстады. 91 жастағы қарт майдангер сұрапыл соғыс жылдары мен майдандас достары жайлы сыр шертті.
Екінші дүниежүзілік соғыстың зұлматы еш ұмытылмақ емес. Ұлы Жеңіске жету жолында майдан даласындағылармен бірге тылдағылардың да ерлігі ерен болғаны сөзсіз.
Ұлы Жеңістің 70 жылдығы қарсаңында атыраулық майдангерлер мен тыл ардагерлеріне мерекелік медальдер табысталды. Салтанатты шарада Ұлы Жеңістің бүгінгі ұрпақ үшін маңызы айтылып, ән-жырдан шашу шашылды.
Қостанай облыстық қуыршақ театры тұңғыш рет соғыс тақырыбында қойылым көрсетті. Өжеттілік пен қайсарлыққа үндейтін тың туынды «Балапан қаршыға» деп аталады.
«Жеңіске құрмет» шарасы жалғасуда. Естеріңізге сала кетейік, «Хабар» агенттігінің ұжымы Ұлы Отан соғысы ардагерлеріне көмек көрсету үшін 1 күндік жалақыларын аударған болатын.