Бұл туралы Қазақстан мұсылмандары діни басқармасының төрағасы, бас мүфти Наурызбай Қажы Тағанұлы брифингте айтып берді. «Адам қайтыс болғаннан кейін өткізілетін дәстүрлер бар: жетісін беру, қырқын беру, жылын беру. Бұл – шариғаттың бекіткен міндетті құлшылығы емес, сауапты іс-шаралар. Төтенше жағдай кезінде шариғатта мұндай шараларды кейінге қалдыруға рұқсат етіледі. Яғни төтенше жағдай аяқталғаннан кейін ас беру рәсімдерін өткізуге толық болады», – деді бас мүфти Орталық коммуникациялар қызметінде өткен брифингте.
