Түлектердің бабы мен бағы сыналатын сәт! Елімізде ұлттық бірыңғай тестілеу басталды. Бұл жолғы науқан 42 күнге созылады. Жалпы 166 мың талапкер екі мүмкіндікті есепке алғанда 305 мың өтінім берген. 75% қазақ тілінде, 25% жуығы орыс тілінде, 243 адам ағылшын тілінде сынақ тапсырады. Мамандар талапкерлердің көпшілігі инженерлік, техникалық мамандықтарды таңдағанын айтады. Тиісінше, гранттардың да 60% осы бағытқа бөлінбек. Негізгі тестілеу форматында өзгерістер жоқ. «1 компьютер – 2 камера – 1 тестіленуші» қағидаты сақталған. Ең жоғары ұпай – 140 балл. 4 сағат уақыт беріледі. Ал ұйымдастыру жағын айтсақ, биыл тест тапсыру орталықтарының саны артқан.
Саясат Нұрбек, ҚР Ғылым және жоғары білім министрі:-Биылдан бастап енді ресми екі рет ҰБТ-ны тапсыруға рұқсат береміз. Екі емтиханның ең жоғары балы сіздің балаңыз үшін, талапкер үшін ресми балл болып саналады.
