Тұрғындар енді өз аймағының экологиясына қатысты сауалдарын қалдыра алады. Бүгін эко-науқан аясында Жамбыл облысындағы Ақыртас қалашығы күл-қоқыстан тазартылды. Тарихи кешеннің аумағын жинауға AMANAT партиясының өкілдері мен табиғат жанашырлары атсалысты. Жалпы «Таза Қазақстан» науқаны басталғалы облыстағы саябақтар мен аулалар, ескерткіштер маңы тазартылып, 14,5 мың тонна қоқыс шығарылған.
