Ата Заңның жаңа жобасы жарияланғалы бері сарапшылар мен қоғам өкілдері арасында қызу талқыланып жатыр. Еуразия ұлттық университетінде өткен жиында да Конституцияның жаңа жобасы жан-жақты қаралып, негізгі бағыттары сөз болды.
Сарапшылардың айтуынша, Конституцияны жаңарту – уақыт талабы. Құжатта қазіргі саяси-қоғамдық жағдай мен заманауи сын-қатерлер ескеріледі. Елдің даму бағыты мен құндылықтары да негізге алынады.
Дихан Қамзабекұлы, Конституциялық реформа жөніндегі комиссияның мүшесі, «Қазақ газеттері» ЖШС бас директоры:
- Арада қаншама 30 жылдай уақыт өтті. Толдық, өстік, жан-жағымызға қарадық. Енді біз Конституцияның аңдатпасынан, преамбуласы дейміз ғой, соңғы нүктесіне дейін бүгінгі Тәуелсіздік пен егемендіктің қадірін білетіндей, заманымыздағы түрлі қауіп-қатерлерді, тәуекелдердің мән-мағынасына байланысты жаңа нұсқа ұсынылды.