«Абай жолы» эпопеясының 18 тілдегі нұсқасы көпшілік назарына ұсынылды

Бұл көне кітапты 1990 жылы қарағандылық Шәрбат Кемелбаева тапсырған. Өзінің айтуынша, 1955 жылға дейін бұл жинақ әкесі Төлеу ақсақалдың қолында болыпты. Мамандар бұл кітап мұражайдағы 5 мыңнан астам жәдігердің арасындағы ең құндысы екенін айтады. Қазір мұнда ақынның 175 жылдық мерейтойы қарсаңында арнайы бұрыш ашылып, онда «Абай жолы» эпопеясының 18 тілдегі нұсқасы қойылды.

Гүлжан Ахметова, жәдігерлер қорғаушысы:

- Шәрбат Кемелбаеваға көне жәдігер әкесінен қалған. Ал ол кісі – бұрынғы Семей облысындағы Абай ауданының атақты ақыны Төлеу Көбдіков. Ақсақал асыл қазынаны 1955 жылы қызына аманаттапты. Кейін музейге өтеді. Біз кітапты жыртылып қалмас үшін күн сәулесі түспейтін арнайы бөлмеде сақтаймыз.