Хабар телеарнасы

Алматы «қызыл» аймаққа өтті

Соңғы тәулікте мегаполисте 210 адамнан коронавирус анықталған. Қазір инфекциялық стационарларда жалпы саны 475 адам ем алып жатыр. Қала «қызыл» аймаққа өткендіктен, енді карантин талаптары күшейтіледі. Шектеу шаралары алдағы 5 күн ішінде еліміздің Бас мемлекеттік санитарлық дәрігерінің қаулысында жарияланады. Жаңа жылдан бері шаһарда 1 мың 408 адам қауіпті ауруға шалдыққан. Оның 7-інен омикрон штамы анықталды.