Жаңа жылдан бері Петропавлда тұрмыстық қалдықтар шығарылмаған

Қазір тұрғын үйлердің алды шашылып жатыр. Әкімдік қызметкерлерінің айтуынша, күннің суығында бір мердігер ұйымның бірден екі техникасы сынып қалған. Жалпы облыс орталығында бұл жұмысқа 4 мердігер ұйым бекітілген. Бір қызығы, жақында тұрғын үй-коммуналдық шаруашылығы бөлімінен «жаңа жылдан кейін далаға шырша лақтырған тұрғындарға айыппұл салынады» деген ескерту жасалған. Ал қоқыс шығармаған ұйымдарға бірде-бір хаттама толтырылмаған.

Әсем Айтолла, қалалық ТҮКШ бөлімінің баспасөз хатшысы:
-Бізде қоқыс шығарудың тарифы қала бойынша 6 жылдан бері көтерілген жоқ. Кесірінен жаңағы компаниялар техниканы жаңартуға не болмаса оны жөндеуге мүмкіндіктері болмай отыр. Бүгінгі таңда одан бөлек тұрғындар тарапынан қарызы бар. Жалпы қала бойынша барлық 4 компанияға 20 млннан қарыз.