Астанада Арыстанбек Мұхамедиұлының сот отырысы өтті
Астанада Ұлттық музейдің бұрынғы басшысы Арыстанбек Мұхамедиұлының сот отырысы өтті. Ол соттан бұлтартпау шарасын өзгертуді және оны үй қамаққа жіберуді сұрады. Айтуынша, денсаулығы нашарлаған. Бірақ бұл өтініші қабылданбады. Сондай-ақ ол өз кінәсін мойындамайтынын айтты. Қылмыстық іс бойынша тыңдалым Байқоңыр аудандық №2 сотында өтті. Арыстанбек Мұхамедиұлы таңертең сот отырысына №64 мекемеден онлайн режимде қатысқанымен, түстен кейін күдікті сот залына жеткізілді. Музейдің экс-басшысына бюджет қаражатын жымқырды деген айып тағылып отыр.