Алматы облысындағы қатты тұрмыстық қалдықтар полигонында тұтанған қызыл жалын шамамен 15 гектар аумақты шарпыды. Өртті ауыздықтау төрт күннен бері жалғасып жатыр. Оған 250-ден астам маман мен 120-ға жуық техника тартылған. Бірнеше өңірден күштік құрылымдар жеткенін және жақын маңдағы елді мекендерде үш мектеп уақытша қашықтан оқытуға көшкенін айтқанбыз. Мамандар өртті сөндіруге ауа райының қолайсыздығы кедергі келтіріп тұрғанын айтады.
