Жалпыұлттық социал-демократиялық партиясы бастауыш ұйымдарының өкілдері Астанада бас қосты. Жиынға қатысушылар Конституциялық реформаның негізгі бағыттарын талқылады. Елдің қоғамдық-саяси дамуы үшін бұл өзгерістердің маңызды екендігіне тоқталды. Сондай-ақ құжаттағы әлеуметтік сала, еңбек қатынастары және мемлекеттік басқару жүйесіне қатысты пікір алмасты. Партия өкілдері енді өңірлерде түсіндіру жұмыстарын жүргізуді жоспарлап отыр.
Талғат Омаров, ЖСДП Астана қаласы бойынша филиалының төрағасы:
-Қазір талқыланып жатқан Конституцияның жобасын біз қолдап жатырмыз. Осы жиыннан кейін біз бастауыш партия ұйымдарының арқасында көп аумақты қамтимыз. Ол ауыл, ол өнеркәсіп орындары. Солармен біз түсіндіру жұмыстарын жалғастырамыз.
