Сенат депутаттары жезқазғандық жұмысшылармен кездесті. Серік Шайдаров пен Советбек Медебаев кен байыту фабрикасында өткен іс-шарада референдумның маңызын түсіндірді. Сенаторлар жаңа Конституцияға енгізілген өзгерістерге кеңінен тоқталып, азаматтардың, әсіресе еңбек адамдарының құқығы мен қауіпсіздігін қорғауға ерекше басымдық берілгенін айтты.
Серік Шайдаров, ҚР Парламенті Сенатының депутаты:
-Біздің бүгініміз бен ертеңімізді бағдарлайтын стратегиялық маңызды құжат. Сондықтан бұдан бей-жай қалып жатқан адам жоқ. Барлығы референдумға қатысамыз, қолдаймыз айтып жатыр.