Қазақстан болашақта мұнай-химия кластерінің орталығына айналады. Мемлекет басшысының тапсырмасымен жылына 10 миллион тонна өңдейтін ірі мұнай өңдеу зауытын салу жұмыстары қолға алынды. Энергетика министрлігінің дерегінше жобаның алдын ала техникалық-экономикалық негіздемесін әзірлеу басталды. Алты ай ішінде халықаралық инжинирингтік команда кешенді алдын ала зерттеулер жүргізеді. Техникалық және экономикалық параметрлері ұсынылады. Соның қорытындысына сәйкес Үкімет халықаралық инвесторларды тарту және зауыт құрылысын бастау туралы шешім қабылдайды.
