Синоптиктер: 33 градус аяз болады

Иә, абай болған жөн. Өйткені алдағы күндері ел бойынша қалың тұман түсіп, бұрқасын соғады. Жаңбыр жауып, көктайғақ болады. Синоптиктер осылай деп дабыл қағуда. Айтуларынша, сынап бағанасы әсіресе солтүстік-батыс пен солтүстікте төмендейді. 33 градусқа дейін аяз болады. Батыс, Орталық және Шығыс Қазақстанда 18 градусқа дейін суық күтіледі. Оңтүстікте сынап бағанасы -13 градусқа дейін төмендейді. Ауа райы қолайсыздығы қазірдің өзінде Өскемен мен Павлодарда сезіліп жатыр. Бүгін бастауыш сынып оқушылары қашықтан оқыды. Желдің екпіні секундына 15-20 метрге жетіп, бірқатар тасжол жабылды.