Таза Қазақстан: Шымкенттік экобелсенділер ірі каналдың жағалауын жинастырды

Шымкент қаласының экобелсенділері ірі каналдың жағалауын жинастырды. Өткелдің астын пластик бөтелкелерден тазартып, су ағысын ретке келтірді. Сонымен қатар қала аумағындағы қураған ағаштар қырқылып, шіріген шөп өртелді.

Қайрат Имашев, AMANAT партиясы Қаратау аудандық филиалының төрағасы:
-Әр ауданның әкімшілігімен бірігіп жұмыс істеп жатырмыз. Сол кісілерден бізге мына аймақты тазалау керек деген сияқты ұсыныстары түсіп жатыр. Бұрынғымен салыстырғанда әлдеқайда тазарып қалды. Енді осы жұмыстарды жүйелі түрде жалғастыратын болсақ, бұл өз нәтижесін береді деген ойдамын.

Қарағанды облысы Бұқар жырау ауданы Ботақара кентіндегі «Даңқ алаңы» мен Бұқар жырау ескерткішінің маңайы қоқыстан тазартылып, жиектастары мен қоршауы сырланды. Тазалық науқанына 100-ге жуық ерікті атсалысқан.