Ұлытау облысында тасқын салдарынан баспанасыз қалған отбасыларға үй салынып жатыр.
Жалпы тасқын кезінде облыс аумағында 22 үйді су шайған еді. Арнайы комиссия 6 баспананы апатты деп таныды. Оның 2-еуі Жаңаарқа ауданына қарасты Ынталы ауылында.
Қазір елді мекенде бір үйдің құрылысы қарқынды жүріп жатыр. Ал екінші отбасы аудан орталығына көшуге ниет білдірген. Жақын күндері Ұлытау ауданының Жезді кентінде тағы 3 үйдің құрылысы басталады.
Алпыс Исақов, Ынталы ауылының тұрғыны: - Қазір жергілікті әкімдік уақытша үй берді. Мұндай жағдай өзі бірінші рет болып тұр. Енді қайталанбасын деп тілеймін.Еліміз аман, жұртымыз тыныш болсын.
Дулат Ерғалиұлы, ынталы ауылының әкімі: - Бізде 10 үй зардап шегіп, оның 2-еуі жарамсыз болып танылған. Бір отбасыға Жаңаарқадан үй сатып алып берді. Екінші отбасыға үйдің құрылысы жүріп жатыр қазіргі таңда. 40%-дай жұмыс аяқталды.
